Plantun de Prouvènço

Pèr coumpara dos planto d'encò nostre

Hornungia alpina & Grimmia orbicularis

Hornungia alpina

Brassicaceae Cruciferae

Noms en français : Cresson de chamois, Cresson des chamois.

Descripcioun :
Lou creissoun-de-chamous trachis dins lis esboudèu fres e li coumbo à nèu de mountagno sus cauquié. Se recounèis à si grapo de pichòti flour blanco e à si fueio coumpausado de 2 à 6 paréu de "fueioun". La siliculo, negro, fai de 3 à 6 mm. La subsp. dis Aup de Prouvènço, ié dison alpina .

Usanço :
Couneissèn pas d'usanço particuliero pèr aquelo planto. Dèu èstre manjadisso, mai avèn pas d'entresigne segur. Escriéure au site se n'en sabès mai.

Port : Erbo
Taio : 3 à 10 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Hornungia
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 5 à 8 mm
Flourido : Printems - Estiéu

Sòu : Ca
Autour basso e auto : 1700 à 3000 m
Aparado : Noun
Mai à avoust

Liò : Esboudèu fres - Coumbo à nèu
Estànci : Subaupen à Aupen
Couroulougi : Ouroufito-Éuroupenco
Ref. sc. : Hornungia alpina (L.) O.Appel, 1997 (= Pritzelago alpina (L.) Kuntze, 1894 = Hutchinsia alpina (L.) R.Br., 1812 )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.